مع السلامه

شفني بسافر وأبتعد عن مصيرك
وارجوك لاتطلب من القلب ينساك
أنا سفير الحزن مدري سفيرك
مدري انا وشلون قلبي بلياك
صحيح شفت الويل وأبكي هجيرك
بس المصيبه عيت الروح تجفاك
خطاي اني كنت انا اعشق غديرك
والمشكله قلبي تعذب يبي ماك
قد قلت أنك ماتخالف عشيرك
وقد قلت لك كلي ترى فدوة رضاك
وأنا وعدتك دوم أبقي عشيرك
الا مع النسيان مانيب وياك
كنت أعتبر نفسي معك وأستشيرك
وشفاي ماتضحك قبل ضحكه شفاك
وكنت أترك اللي من كلامي يثيرك
وأحقد على غيري الا منه أبكاك
أن عودت للحب أسأل ضميرك
من هو جفا كل المخاليق وأغلاك
وأن عودت للشوق .. الله يجيرك
وصلت أنا من زايد الشوق لاقصاك
أهديتك اللي ماعطيته لغيرك
وأهديتني صدك وبعدك وفرقاك
مع السلامه .. كثر الله خيرك
وأوعدك أني لاخر العمر أبهواك